【一文講晒】香港揸電單車有幾危險?

香港地開電單車，俗稱皮包鐵，出晒名危險。

新聞不時都見到牽涉電單車的意外，而且唔少都傷得幾犀利。

究竟，開電單車係咪想像中咁危險？點樣可以避免意外發生？

而萬一真係牽涉交通意外，你又應該點做？

1. 相比開其他車，開電單車係咪想像中咁危險？

先用數據解釋 ：

根據運輸署統計(2018年數字)，電單車司機涉及2,386宗交通意外，而私家車涉及8,813宗交通意外。表面看來，電單車涉及較少交通意外。

但係，呢個數字忽略了路面上私家車遠比電單車數量多呢個事實。

最準確計法，係以每百萬車輛行駛公里涉及意外率來計算。用呢個Metric來計算的話，電單車高達6.61宗交通意外，排名第一！

緊接其後的竟然係巴士，涉及3.44宗，排第三係小巴，涉及2.51宗，而私家車只涉及1.43宗交通意外。

而且，同年的電單車傷亡數字，高達2,217宗，呢個數字同上述意外數字擺埋一齊，揭示開電單車的意外傷亡率高達92.9%。

相反，私家車意外傷亡數字只有2,885宗，意外傷亡率為32.7%。

小結：相比其他車種而言，開電單車係真係幾危險。開電單車遭遇交通意外風險本身就較高，而萬一遭遇交通意外的話，受傷機會極高。

2. 但係，究竟開電單車呢件事本身，係咪真係咁危險？

以每百萬車輛行駛公里涉及意外率來計算，電單車開100萬公里的路程，就有6.61單交通意外。以呢個數據來計，你要開151,285.9公里才會遇到一次交通意外。呢個咩概念？

假設A君住在荃灣，每日到中環IFC返工。根據Google地圖，一程要16.5公里，來回即33公里。當你星期一至五都開電單車來回的話，一年全年無休風雨不改咁開，就開左8,580公里。

如是者，根據呢個路程，開電單車17.6年就到151,285.9公里，A君就會遇到交通意外，而且呢場交通意外中，有92.9%機會係起碼會受傷。

相反，開私家車的話，要開699,300公里才會遇到交通意外。以同樣的荃灣到IFC來回計，要開81.5年才會遇到交通意外，而只有32.7%機會受傷。

小結：一位開電單車開得好密 (好似上述荃灣來回IFC例子)的電單車手，假如30歲開始開，機會率來講，一生之中好可能會遭遇起碼一次交通意外。

相反，同樣路線同年齡開私家車的話，機會率來講，一位普通私家車司機一世都唔會撞一次車。 

3. 其實，開電單車點危險法?

根據運輸署數字，電單車司機牽涉的交通意外，有56.1%涉及車輛碰撞，43.9%不涉及車輛碰撞 (即係自炒)。

睇返新聞或者法庭判決，有唔少案例係：

a) 電單車停在讓線或燈位前，被後車撞

b) 電單車行駛中，被隔離線車輛過線撞。

常識來看，電單車體積較少，容易被其他車的司機不專注駕駛時忽略，而導致交通意外。

自炒的話，好多時係因為天雨路滑，電單車得兩個轆，在剎車時抓地力較差，比較容易失平衡。

另外，根據運輸署數字，開電單車同私家車一樣，司機年齡越細，意外機會越高。

而以車輛的出廠車齡來計，電單車越新，意外率竟然明顯越高，私家車的車齡與意外率卻沒有明顯關係。

4. 但我都想開電單車，點先可以安全D？

參考返以上運輸署數據，越後生的電單車司機越容易遭遇交通意外，呢個應該同駕駛態度有關，因為年輕人身體機能理應較好。 無論開咩車都好，駕駛態度往往最重要：

唔好超速駕駛，唔好超速駕駛，唔好超速駕駛！(重要事情講3次)

而就住電單車獨有面對的問題，例如容易被其他車司機不留神時忽略，而導致後撞前或過線撞到之類的意外，電單車司機應：

– 開車前檢查，並在駕駛時開著車頭車尾燈

– 穿上容易被察覺的裝束，例如在衣物及頭盔上貼上螢光帶

此外，開車前檢查車呔 (尤其小心充氣過多，光頭胎，或者碎石或雜物嵌入胎紋，都會減低抓地力)，車底，車燈，死氣喉，並戴上頭盔等是常識吧！

雖然根據數據，以上述的路線，開電單車17.6年就會遇到交通意外，但呢個只係數據的平均值而已。呢個數據平均值，並無考慮到每一位司機本身的駕駛態度，會唔會超速等。

只要你小心駕駛，即使開電單車一樣可以開得開心又安全！

萬一真係牽涉交通意外，你又應該點做？

意外後必做3件事

a) 交通意外後必須報警

b) 盡快到醫院求診

c) 在可行情況下蒐集對方「疏忽」的證據

如果你在交通意外受傷，而你又認為對方司機疏忽的話，你可能可以獲得賠償。

下一步，你會想知：索償程序係點既呢？

立即按此參閱 意外索償方案，提交基本資料後，情況合適的話你可以獲得律師免費諮詢以及《意外索償知多D》小冊子，同你講解點先可以在索償案件爭取最高的合理賠償！。

各位車友，出入平安，需要時也要懂得爭取權益！

以上案例對你的個案有用嗎? 可參閱更多 香港交通意外索償案例 及 香港刑事案件處理方式